Kommuneplan
Kommuneplantillæg
Kommunalbestyrelsip 1. juuni-imi ataatsimiinnermini kommunimut pilersaarummut tapiliussaq
Nunaannarmut pilersaarut 2-2, Nuup eqqaani nunataq atuutilersussatut aalajangiuppaa.
Siunertat
Pilersaarutitut killeqarfiit sumiiffiillu toqqarneqarput, siunissami sunngiffimmi illuaraliorfigineqarsinnaasut, takornarialerisunut tammaarfiliorfigineqarsinnaasut, meeqqeriviit allallu illuaraliorfigisinnaasaat.
Pilersaarutitut aamma allaaserineqarpoq nunaannami illuliassat assigiinngitsut akuerisaasut qanoq ittuuneri. Maannakkut kommunimut pilersaarummut tapiliussatut, inuilaarsuarmi piffissami aalajangersimasumi atortunik inaaliinissamut, tupeqarfiliornissamut aammalu utaqqiisaasumik
oqquiffissaliornissamut periarfissiisoqassaaq. Pilersaarutitut matumuuna periarfissaatinneqassaaq, inuussutissarsiornermut atatillugu atugassiamik aqqusinniornissaq imaluunniit takornarialerinermik
siuarsaanissamik siunertat pingaarnerutillugit ass. ATV-nut assigisaanullu aqqusiortoqarsinnaanera.
Kommunimut pilersaarummut tapiliussatut siunnersuummi matumani immikkoortut ilaat arlallit taaguutaasigut killeqarfiisigulluunniit allanngortinneqassapput. Soorlu aamma illuaraqarfioreersuni
nutaanik immikkoortulersuisoqassasoq imaluunniit nutaanik illuaraliortoqarnissaa pisariaqalissappat tamanna periarfissaatinneqassasoq.
Piffissami tusarniaaffiusumi tusarniaanermut akissuteqaatit 18-it pissarsiarineqarput, taakkulu annikitsunik
oqaasertaatigut allannguuteqarfigineqarput, kiisalu ima:
- Illuaqqat attartortittakkat takornarianullu illuaqqat tamarmik B-nr.-qassapput.
- K74 Niaqornarsuup ilua + K78 Iterlassuaq Killeq timmissat piaqqisarfiinut killilersuinerit pissutigalugit
- Nunap assinga immikkut suliarineqassaaq Qooqquni nunatat nalunaarsorlugit allaaseralugillu, ukiumoortumik festivalertoqartarnissaanut inissaqartitsiniarluni nunatallu Nuummiunit asiarfissaqqissuutinneqarnera attatiinnarniarlugu.
- Illuaqqat nammineq pigisat eqqaanni aqqusinniortoqassappat, aamma aqqusinniassaq tamanut tusarniaassutigineqassaaq.
Inatsisinut tunngasut
Kommunimut pilersaarutip inaarutaasumik akuerineqarnera tamanut nalunaarutigineqareerpat kommunimut pilersaarummut imaluunniit kommunimut pilersaarummut tapiliussamut aalajangiunneqartumut inatsisitigut piviusumilluunniit pissutsinut akerliusumik pilersitsisoqassanngilaq,
Pilersaarusiornermut inatsimmi § 30 innersuussutigalugu.
Nuup eqqaani nunataq: Nunaannarmut Pilersaarut 2-2
Kommunalbestyrelse aggustip 31-anni 2021-mi aalajangerpoq, Kommunimut pilersaarummut tapiliussaq L7-1 1 Icefiord Lodge Nuuk, Kapisillit akueralugu.
Siunertaa
Kommunimut pilersaarummut tapiliussassatut siunnersuut L7-1 naapertorlugu sanaartugassatut
siunnersuut Icefiord Lodge Nuuk, Kapisillit, kommunalbestyrelsimit ulloq 24, novembari 2020-mi
akuersissutigineqartoq periarfissaalerpoq.
Pilersaarut atorlugu immikkoortup ilaa nutaaq L7 ilanngunneqassaaq, tassanilu takornarianut illuaqqat 50-it
tungaannut amerlassusillit taakkununngalu attuumassuteqartut atortorissaarutit, matumani neriniartarfik
illullu ingerlatsinermut tunngasut ilanngullugit sanaartorneqarsinnaallutik. Puttasut aamma immikkoortup
sanaartorfiusussap akornganni assakaasulinnut aqqusiortoqarsinnaavoq.
Inatsisinut tunngasut
Kommunimut pilersaarutip inaarutaasumik akuerineqarnera tamanut nalunaarutigineqareerpat
kommunimut pilersaarummut imaluunniit kommunimut pilersaarummut tapiliussamut
aalajangiunneqartumut inatsisitigut piviusumilluunniit pissutsinut akerliusumik pilersitsisoqassanngilaq,
Pilersaarusiornermut inatsimmi § 30 innersuussutigalugu.
Pilersaarut uani takuneqarsinnaavoq
Kommunimut pilersaarummut tapiliussaq kommunimi innuttaasunik sullissivimmi, kommunillu
nittartagaani imaluunniit Sanarfinermut Avatangiisinullu ingerlatsivimmut
oqarasuaammut 36 74 00-mut sianerluni saaffiginninnikkut pineqarsinnaavoq.